Presidentja “reagon”, thërret në takim liderët e partive

(E plotësuar) Kryetarët e VV-LDK-AAK-NISMA, do të shkojnë bashkë në takim te Presidentja Atifete Jahjaga. Takimi i VLAN-it me Presidenten do të fillojë në ora 16:00.

Pas takimit me përfaqësues të Partisë Demokratike të Kosovës dhe përfaqësuesit e komunitetit serb në Kosovë, presidentja Jahjaga tanimë ka filluar edhe një takim me përfaqësuesit e komuniteteve tjera pakicë në Kosovë, përkatësisht përfaqësuesit e Grupit 6+.

Presidentja e Kosovës, Atifete Jahjaga, pas takimit me përfaqësuesit e PDK-së, po pret në takim edhe përfaqësues të subjekteve tjera politike.

Tani në takim me presidenten Jahjaga janë përfaqësuesi i Listës Srpska, Aleksander Jabllanoviq dhe Sllobodan Petroviq.

Presidentja e Kosovës, Atifete Jahjaga në këto momente është duke zhvilluar një takim me kryetarin e Partisë Demokratike të Kosovës, Hashim Thaçin, si dhe Hajredin Kuçin e Kadri Veselin.

Ndërsa, sipas informatave jozyrtare pritet që këtij takimi t’i bashkohen edhe liderët e tjerë.

Sipas informatave jozyrtare, Jahjaga ka ftuar të gjithë liderët, megjithatë mbetet të shihet se kush do të merr pjesë në këtë takim.