Sporti

Italianët vlerësojnë Shqipërinë: Ndeshja u vendos nga episodet

Italianët u larguan nga “Loro Boriçi” me tri pikët që u mundëson qëndrimin si koka në shortin për play off-et e botërorit rus. Por, në përfundim të takimit, ata nuk kursyen elozhet për kombëtaren shqiptare, ndërsa pranojnë se ndeshja u vendos nga episodet.
“Shqipëria po punon mirë dhe po paraqitet mirë, edhe pse u lodhën pas minutës së 70-të, ndoshta edhe për meritën tonë. I uroj mikut tim Panuçit të bëjë të njëjtën rrugë si mikut të italianëve, De Biasi”, deklaroi për SuperSport, trajneri italian, Gian Piero Ventura, duke shtuar se në shortin e fazës “play-off” nuk kam frikë nga asnjë kundërshtar.
Autori i golit pranoi se ndeshja u vendos nga një episod.
“Ndeshjet zgjidhen me episode! Deri në Madrid kemi luajtur mirë në këto kualifikuese. Por, tani jemi të përqendruar te ndeshjet e fazës “play-off”, tha Kandreva.
Parolo vlerësoi atmosferën, në fushë, shkallët e stadiumit dhe në gjithë Shkodrën.
“Shqipëria vrapoi shumë. Ishte një ndeshje e bukur, një stadium plot, por në një klimë futbolli. Është bukur të luash në një atmosferë të tillë. Më pëlqyen edhe duartrokitjet gjatë himnit italian, kështu që komplimente”, tha ai.
Chiellini deklaroi se kishte ardhur u përgatitur për të mbuluar Armando Sadikun, ndërsa flet edhe për ndërrimin e fanelës me Eros Grezdën.
“E kisha studiuar mirë Sadikun, që është një sulmues i mirë. Jam i lumtur për klimën që gjeta këtu, duket që jemi të mirëpritur. Fanelën e ndryshova me Grezdën, pasi ishim shumë afër në përfundimin e ndeshjes”, deklaroi ai.

Related Articles

Leave a Reply

Your email address will not be published. Required fields are marked *

Back to top button