Politika

Ligji për pakicat kombëtare, Rama: Sipas frymës së BE-së

Kryeministri Edi Rama deklaroi sot në Kuvend se, projektligji “Për mbrojtjen e pakicave kombëtare” është krenari për këtë parlament, pasi garantohet respektimi i minoriteteve.

Kryeministri Rama replikoi në Kuvend me deputetin Vangjel Dule. “Vangjel Dule me mua nuk e bën dot, e kuptoj që është e qëllimshme. Ti e ke bërë rrugë të më citosh gabim, sa herë vë fjalët e mia në gojën tënde. Nëse nuk do të të njihja do të mendoja se e ke nga mendjelehtësia, por duke të njohur si burrë të mençur, them se je i qëllimshëm sa herë që vë në gojë gjëra që unë si kam thënë kurrë dhe përpiqesh t’i intepretosh për llogarinë tënde ato që unë them”, iu drejtua Rama deputetit Dule.

“Ti je një minoritar dhe nuk je minoriteti dhe je gjithmonë e më pak përfaqësues i denjë i atij minoriteti. Ligji është krenari për këtë parlament dhe arsye që të tjerët rreth nesh të mësojnë si respektohen minoritetet. Mos më vendos mua në gojë fjalë që si kam thënë. Ne respektojmë kërkesat e Bashkimit Evropian dhe në frymën e këtyre kërkesave është dhe ky pr/ligj që duam të miratojmë ne sot. Prandaj mos bëjë tjetërsim fjalësh, por lexo pr/ligjin dhe lexo atë çka kërkohet nga Bashkimi Evropian”, tha Rama

Related Articles

Leave a Reply

Your email address will not be published. Required fields are marked *

Back to top button