Ekonomia

TAP – Përfundon furnizimi me tubacione të plota në Shqipëri, Greqi dhe Itali

Projekti Gazsjellësit TransAtlantik (TAP) në Shqipëri, Greqi dhe Itali ka përfunduar transportin e tubave dhe mjeteve të tjera logjistike për realizimin e kësaj vepre kaq të rëndësishme në sektorin e gazifikimit.

Drejtori i projektit TAP, John Haynes, theksoi se ky është një tjetër moment kyç për realizimin e suksesshëm të këtij projekti.

“I gjithë procesi i shpërndarjes së logjistikës u krye në përputhje me afatin e projektit dhe me standardet më të larta të sigurisë,” shtoi ai.

Dërgesa e fundit e tubave të çelikut për ndërtimin e tubacionit Trans Adriatik (TAP) mbërriti në Selanik të Greqisë më 10 tetor, duke shënuar shpërndarjen përfundimtare të të gjitha tubacioneve në vendet pritëse të TAP.

Transporti i 55 000 tubave për ndërtimin e TAP u përfundua në një periudhë kohore prej një viti e gjysmë. Tubacionet e para në Shqipëri mbërritën në prill të 2016, në qytetin e Durrësit. Më pas dërgesat në Greqi filluan një muaj më vonë, pikërisht në maj. Këto tuba u ndanë në këtë mënyrë: 32 000 në Greqi, 13 000 në Shqipëri dhe 9 150 në det të hapur dhe 670 në Itali.

TAP është pjesë e Korridorit të Gazit Jugor, i cili është një nga projektet prioritare të energjisë për BE.

Related Articles

Leave a Reply

Your email address will not be published. Required fields are marked *

Back to top button