Home / Bota / Amerika / Obama do të përfitojë nga asambleja e përgjithme e OKB-së për zgjerimin e koalicionit kundër ISIS

Obama do të përfitojë nga asambleja e përgjithme e OKB-së për zgjerimin e koalicionit kundër ISIS

obama-110-621x350Presidenti amerikan, Barack Obama njoftoi sot se do të përfitonte nga asambleja e përgjithshme e OKB-së, javën e ardhshme, për të kërkuar një koalicion më të gjerë ndërkombëtar kundër organizatës së Shtetit Islamik.

“Ne nuk do të hezitojmë të ndërmarrim veprime kundër terroristëve në Irak dhe në Siri”, theksoi Obama duke iu referuar ekstremistëve sunitë që kanë pushtuar një pjesë të madhe të territorit në këto dy vende, por kjo nuk është vetëm lufta e Amerikës.

“Nuk është vetëm Amerika kundër Shtetit Islamik. Janë vetë populli i këtij rajoni kundër Shtetit Islamik”, theksoi ai në fjalimin e tij të përjavshëm.

“Ne do të marrim kryesimin e një koalicioni të gjerë të Kombeve që kanë një interes në këtë luftë”, shtoi presidenti amerikan duke shtuar se më shumë se 40 vende kanë propozuar pjesëmarrjen në një fushatë të gjerë kundër Shtetit Islamik me manovra, pajisje, ndihma humanitare dhe misione ajrore ushtarake.

“Javën e ardhshme në Kombet e Bashkuar, do të vazhdoj të mbledh të gjithë kundër këtij kërcënimi”, shtoi presidenti Obama.

Uashingtoni përshëndeti vendimin e Francës për t’u bërë pjesë në fushatën ajrore kundër këtij grupi përgjegjës për krimet më të rënda në rajonet e pushtuara këto muajt e fundit .

Senati amerikan miratoi dje një plan për një ndihmë prej 500 milionë dollarësh për një vit për pajisjen dhe trajnimin e rebelëve sirianë të moderuar për tu përballur me xhihadistët e ISIS.

“Këto vota janë një mesazh i fuqishëm për botën, amerikanët janë të bashkuar për t’i bërë ballë këtij rreziku”, theksoi presidenti amerikan, Obama.

Leave a Reply

%d bloggers like this: