Gjiknuri: Brenda vitit 2018 çdo konsumator me kontratë për përdorimin e ujit

“Në 3 litra ujë që prodhohet, një litër faturohet. Kjo është një humbje e madhe. Një nivel humbjesh i tillë nuk ofron shërbim të qëndrueshëm dhe cilësor për qytetarët.

Faza e parë, sikurse e kemi thënë, do të jetë 90-ditore dhe përfundon më 1 shkurt 2018. Qytetarët të bëjnë vetëdeklarimin në sistem të lidhjeve të jashtëligjshme. Të lidhin kontrata dhe të vendosin matës. Objektivi kryesor është që brenda vitit 2018 çdo klient të pajiset me matës dhe kontratë. Do kthejmë ligjshmërinë në sektor, duke përfshirë shumë institucione. Ka filluar një fluks formalizimi dhe qytetarët po e marrin seriozisht. Nga të dhënat që kemi nga disa ujësjellës dalim në përfundimin që kemi një rritje të interesit të qytetarëve për formalizim.

Ka nisur puna për strategjinë e sektorit. Orientimi i sektorit drejt performancës. Brenda vitit do nënshkruhen kontrata performance me çdo bashki. Subvencioni do të orientohet drejt bashkive që tregojnë ecuri pozitive dhe përmbushin kriteret.

Shoqëritë që nuk performojnë do merren në menaxhim të përkohshëm. Për sa o përket metodologjisë së investimeve ato do të udhëhiqen nga prioriteti”, tha ministri.

Ai kërkoi mbështetjen e donatorëve që për aspektin tekniko-ligjor dhe konsulencë menaxheriale.