Rajoni

Ministri i Jashtëm i Greqisë, Nikos Kocias: Vizita e Erdoğan-it në Greqi ishte pozitive

Ministri i Jashtëm i Greqisë, Nikos Kocias, lidhur me vizitën e presidentit të Turqisë, Recep Tayyip Erdoğan në vendin e tij tha se: “Vizita ishte pozitive. Si presidenti ashtu edhe kryeministri Tsipras folën me sinqeritet”.

Kocias ka mbajtur një konferencë të përbashkët për media pas takimit të zhvilluar në Athinë me ministrin e Jashtëm të Armenisë, Edvard Nalbandyan.

Duke cekur vizitën e preisdentit Erdoğan në Greqi, ministri Kocias tha: “Ishte e suksesshme sepse ne zgjidhëm kanalet e nevojshme të komunikimit që ishin ngrirë. Ishte e suksesshme sepse po përgatiten një seri e negociatave të reja”.

Ai bëri të ditur se ministri grek i politikave të migracionit, Yannis Mouzalas do të zhvillojë një vizitë në Turqi.

Kocias vuri në dukje se vazhdojnë përgatitjet për Këshillin e Bashkëpunimit të nivelit të lartë i cili është planifikuar të mbahet në shkurt 2018.

Ministri Kocias tërhoqi vëmendjen se “marrëdhëniet me Turqinë fqinje nuk duhet të trajtohen emocionalisht”.

Related Articles

Leave a Reply

Your email address will not be published. Required fields are marked *

Back to top button