Kronika
Dëborë në zonat e ulëta, zbardhet Tirana, Durrësi, Lushnja dhe Fieri
Dëbora zbardhi Tiranën, këtë radhë të gjithë qytetin. Kapricot e motit duket se kanë thyer rutinën e vet, pasi në Tiranë dëbora binte një herë në 30 vjet, por ndryshimet klimaterike kanë bërë që të bjerë çdo vit.
Ata që i gëzuan më shumë janë sigurisht fëmijët
Ndryshe nga qytetet e tjera në Tiranë dëbora ka sjellë vetëm kënaqësi pasi nuk ka bllokuar as rrugë, nuk ka shkaktuar trafik apo probleme te tjera .
Ajo çfarë e bën të pazakontë këtë radhë reshjete borës kanë prekur të gjithe qytetet në zonat e ulëta. Në Lushnje, ky fenomen ndodh shumë rrallë. Po ashtu edhe në qytetin e Fierit ku dëbora nuk ka shkaktuar probleme, madje flokët e dëborës kanë zbritur deri në bregdetin e Durrësit.
