Ku është Kim Jong-Un?
Ku është Kim Jong-Un? I sëmurë? Apo thjesht i lodhur? Zërat që qarkullojnë në Azi bëjnë fjalë edhe për gjendjen shëndetësore të drejtuesit koreanoverior, i cili nuk është parë prej më shumë se tre javëve.
Kim Jong-Un, 31 vjeç, nuk është shfaqur në televizionin shtetëror që prej 3 shtatorit, datë në të cilën mori pjesë në një koncert, në Phenian, i shoqëruar nga bashkëshortja, Ri Sol-Ju.
Në muajin korrik, ai është parë duke çaluar, me rastin e 20-vjetorit të vdekjes së gjyshit të tij, Kim Il-Sung, themeluesi i regjimit komunist diktatorial të Koresë së Veriut.
Ka shumë komente lidhur me këtë handikap, bëhet fjalë për një sëmundje? Mos është plagosur në front, ndërkohë që jepte këshillat e tij të rëndësishme për punonjësit, inxhinierët apo oficerët e ushtrisë?
Shpesh e lehtë për të ushqyer spekulimet kur bëhet fjalë për armikun e Veriut, Koreja e Jugut rivalizon në mënyrë të fshehtë. Në një konferencë shtypi, Ministria e Unifikimit ka refuzuar një ftesë për të luajtur lojën e konjukturave.
“Koreja e Veriut nuk ka bërë asnjë njoftim zyrtar (…) dhe ne nuk kemi asnjë koment”, deklaroi një zëdhënëse e ministrisë.
“Ne kemi dëgjuar hipoteza të ndryshme, pra zëra për gjendjen e tij shëndetësore”, theksoi ajo.
Është vënë re mungesa e dyshuar e Kim Jong-Un-it në hapjen, këtë javë, të një seance të re të Parlamentit, që mblidhet vetëm dy herë në vit për të miratuar vendimet e partisë me frymëzim leninist.
Ndodh që burri i hekurt i Republikës Popullore Demokratike të Koresë (RPDC), emri zyrtar i Koresë së Veriut, të shpëtojë nga radarët që prej dy javësh. Por, Kim Jong-Un ka qenë gjithmonë i pranishëm në median zyrtare që prej kohës që pasoi babain e tij Kim Jong-Il, i cili vdiq në dhjetor 2011.
