Meta: T’i jepet fund dhunës në Kuvend, shqiptarët të lodhur nga skena të tilla
Kreu i Kuvendit, Ilir Meta u ka bërë thirrje palëve politike në Shqipëri të lënë mënjanë konfliktet dhe të bashkëpunojnë për reformat e rëndësishme që e çojnë vendit drejt Bashkimit Europian. Duke folur nga Gjinari i Elbasanit, i pranishëm me rastin e 70 vjetorit të themelimit të Brigadës së 17 Sulmuese dhe më pas në themelimin e degës së LSI në Elbasan, Meta foli edhe lidhur me sherrin e ndodhur në kuvend mes deputetëve socialistë, Arben Ndoka e Pjerin Ndreu me deputetin e PD, Gent Strazimiri.
Meta bëri thirrje që t’i jepet fund dhunës në kuvend pasi sipas tij në këtë mënyrë politikanët bëhen shembull i keq për qytetarët që janë të lodhur nga skena të tilla.
“Nuk duhet të bëhemi shembull i keq për qytetarët. S’ka nevojë për konflikte të panevojshme, por tolerancë. Jo çdo kush mund të bëjë politikë. Forcimi i shteti ligjor është prioritet për ne”, – tha Meta.
Sa i përket 70-vjetorit të Brigadës së 17 Sulmuese Meta theksoi edhe një herë se ajo duhet veldruar si një datë e rëndësishme e historisë dhe se duke vlerësuar Luftën e LANÇ vlerësojmë vendin tonë.
