Ekonomia

Ekonomia shqiptare në një trajektore pozitive rritëse

Ekonomia shqiptare ka lënë pas “skenarin grek” dhe i është rikthyer një një trajektoreje pozitive rritëse.

Ministri i Financave dhe Ekonomisë, Arben Ahmetaj deklaroi sot gjatë një bashkëbisedimi me gazetarët se reformat, investimet private e publike, kanë gjasa të çojnë ekonominë tonë te rritja mbi 5%.

Qeveria e drejtuar nga opozita e sotme, vijoi ministri, e mori ekonominë me një rritje mbi 6.5% dhe e dorëzoi në ditën e saj më të zezë me 0.8% statistikisht.

“Me taksën progresive ulëm taksat për 97% të shqiptarëve dhe nga 0.8% që e morëm dhe me një mal me borxhe, sot ekonomia është gatë 4%”, deklaroi kreu i financave publike.

Shqipëria, tha ai, është ekonomia me rritjen më të lartë dhe të shpejtë në rajon.

“Jemi larg asaj që duam, por kemi lënë larg atë shkatërrim që gjetëm dhe larg ‘skenarit grek’ që thuhej”, tha më tej ministri.

Ministri siguroi se rritja ekonomike prej 5% e synuar do të arrihet.

Ministri u ndal edhe te punësimi, sipas të cilit në 4 vitet e qeverisë Rama vendet e punës u rritën me 35%.

Janë 667 mijë vende pune nga 425 mijë që ishin në 2013. Janë mbi 35% e vendeve të punës të krijuara në katër vitet e shkuara. Ata që kanë marrë një punë janë familjarë e kryefamiljarë”, theksoi ministri.

Ahmetaj iu përgjigj edhe akuzave të hedhura nga opozita për dhënien e mbledhjes së TVSH-së me koncesion. Sipas tij, deklaratat e opozitës janë mashtrime.

Related Articles

Leave a Reply

Your email address will not be published. Required fields are marked *

Back to top button