Politika

Opozita në foltore, ka “Babale” edhe për ministra të tjerë, Ruçi vijon me votimin

Teksa deputetët e opozitës ishin në foltoren e Kuvendit kreu i grupit parlamentar socialist Taulant Balla kërkoi që të hiqej dorë nga diskutimet dhe të kalohej me një herë në votim.
“Shqiptarët nuk duan fjalë po vepra, votoni sepse në secilën për zonat nga keni ardhur mezi presin investime nga rrjeti vaditës. Zoti kryetar i Kuvendit dua t’u kërkoja të hiqnim dorë nga diskutimet dhe të kalojmë menjëherë në votim”, tha Balla.

Kreu i Kuvendit, Gramoz Ruçi pranoi propozimin e Ballës duke kaluar menjëherë në votim, teksa opozita vijonte të fliste në foltore.

Paloka: Ka “Babale” dhe për ministrat e tjerë

Edi Paloka ka deklaruar në seancën kuvendore se edhe për ministrat e tjerë ka skandale që do të dalin së shpejti.
“Është Edvin Rama kapoja i mafies dhe krimit në Shqipëri, për këtë arsye janë këta ministra që janë që do të dalin të gjithë, kanë babalet e tyre këta të tjerët, me radhë do dalin e le të thotë pastaj që opozita po pengon integrimin. I kërkojmë shkarko Fatmir Xhafajn e ky ça bën, liron Saimir Tahirin.

Ai tha se i vetmi hall i Ramës është të mbrojë të vetët. “Ka filluar duke mbrojtur kryetarët e bashkisë që vuri vetë të inkriminuar, vazhdoi me deputetët që vuri vetë, të inkriminuar, sot laku i ka ardhur tek ministrat, të parët janë ministrat e Brendshëm, të tjerët do vazhdojnë më pas, nga Tahiri te Xhafaj. Kjo është e vetmja punë dhe i vetmi hall që ka kryeministri”, tha Paloka më tej.

Kreu i Kuvendit Gramoz Ruçi ndërpreu sërish seancën për gjysmë ore.

Ndërkohë më herët, opozita bllokoi foltoren e Kuvendit, sapo seanca ka nisur. Dhe teksa kreu i Kuvendit, largoi mediat, kreu i opozitës Lulzim Basha ka vijuar me planin B, atë të transmetimit live në faqen e tij në Facebook.

Ndërprerja e seancës erdhi pasi deputetja Albana Vokshi po fliste jashtë rendit të ditës. Ajo kërkoi të thirret me urgjencë në seancë dëgjimore kryeredaktori i gazetës “Rilindja Demokratike”, Blendi Kasmi më 4 qershor. “Zbardhjen e kësaj ngjarjeje të rëndë dhe sigurimin e jetës së gazetarëve”, tha Vokshi.

Related Articles

Nje koment

  1. Kudo ne bot, opozitat kerkojn te vin ne ustet, se esht i embel, te pasuron. Edhe opozita ne SHqiperi, ja di kimen paras.
    Me kete sjellje rrugacerore qe kan zgjedhur, per te bllokuar parlamentin, vecse njollosin vehten e tyre, si antirreforamave dhe miratimit te ligjeve, rijojn imazhin me te keq , ne syt e nderkombetareve, sidomos, tani qe qeveria Rama, po lobon per apjen e negocjatave.
    Ky qendrim antishqiptar, i kesaj opozite, deshmoi edhe nje her, se Berisha, Basha, Monika, Vasili, dhe sejment e tyre, kan qen dhe jan kunder integrimit te SHqiperis ne BE.
    Sa per Blendi Kasmin, policia e shtetit do falenderuar per qendrimin pro evropjan, ndersa sjellja e Kasmit, jo si gazetar, por protestus, qe kerkon te caj rrethimin e policis se shtetit, te shemb mburojat e institucjonit, te nzis turmen, per te shkateruar e ndoshta dhe djegur instucjonin e ministris se brendeshme, esht vandalizem dhe duhet hetuar.
    Policia e shtetit e ka detyr kushtetuse, te mbroi jeten e qytetareve, pasurin shteterore dhe ate private.
    Protestusit kan te drejt ligjore, te proteston paqesisht dhe te mosdemtojn isttucjonet shteterore dhe pronen private. Kush i demton dote pergjogjet ligjerisht.
    Demokracia , sesht anarshi.

Leave a Reply to Tomori SHBA Cancel reply

Your email address will not be published. Required fields are marked *

Back to top button