Ekonomia

Bursa Shqipëri-Kosovë do të ndihmonte biznesin

bursa-spanja-300x172Ekspertët

Në kohën që kredia për ekonominë prej më shumë se një viti po shënon rënie, ekspertët kërkojnë krijimin e një burse rajonale. Visar Malaj është një profesor nga Kosova, i cili hedh idenë për krijimin e një tregu aksionesh siç është bursa, mes Kosovës dhe Shqipërisë. Kjo, sipas tij, do të ndihmonte bizneset që në momentin që kanë nevojë për para të shesin një pjesë të aksioneve të tyre dhe të mos marrin kredi, por do të zhvillonte më tej edhe bashkëpunimin ekonomik mes Shqipërisë dhe Kosovës. Por, edhe ekspertët shqiptarë e konsiderojnë të domosdoshme funksionimin e bursës. Sipas tyre, mungesa e saj frenon bizneset e huaja të vijnë dhe të investojnë këtu, por, nga ana tjetër, tregon dhe dobësitë që ka ekonomia shqiptare. Rasti i bursës së Tiranës, e cila prej shumë vitesh ekziston thjesht si emër, tregon qartë që nuk ka qenë vullneti i të dyja palëve për funksionimin e një tregu kapitalesh, si i qeverisë ashtu dhe i bizneseve. Që kompanitë të listojnë aksionet e tyre në bursë duhet të deklarojnë të plota bilancet e tyre, por shmangia e shumë firmave nga taksat ka bërë që vetë bizneset të mos shfaqin interes për t’u regjistruar.

Related Articles

Leave a Reply

Your email address will not be published. Required fields are marked *

Back to top button