Rajoni

Kontesti i emrit, Athina: Ja qëndrimi ynë për zgjidhjen

kontesti-i-emrit-athina-ja-q-euml-ndrimi-yn-euml-p-euml-r-zgjidhjen_hdAthina zyrtare ka bërë të qartë edhe një herë qëndrimin e saj në lidhje me kontestin e emrit. Një ditë pasi përgënjeshtroi deklaratat e ministrit Nikola Poposki se “Greqia nuk do zgjidhjen e emrit”, sot me anë të një kumtese, MPJ greke riafirmoi pozicionet e saj.

“Pozicioni i Greqisë për një emër të përbërë, me përcaktues gjeografik përpara fjalës ‘Maqedoni’ dhe jo përpara fjalës ‘Republikë’, për përdorim ‘erga omnes’, për të gjitha përdorimet, brenda dhe jashtë shtetit, është ndërtuar prej vitesh dhe përsëritet në vazhdimësi në Kuvendin grek, si dhe në të gjitha takimet shumëpalëshe dhe dypalëshe”, thuhet në kumtesë.

MPJ greke sqaron se e sheh të nevojshme të riafirmojë qëndrimin e saj, për shkak se siç thuhet në kumtesë “disa qarqe ekstreme bëjnë sikur nuk dinë gjë ose se janë të befasuar për pozicionin e Greqisë, të bërë të ditur nga ministri i Punëve të Jashtme gjatë fjalës së tij në Asamblenë e Përgjithshme të OKB-së”.

Duke argumentuar qëndrimin e saj, MPJ greke thotë se, nuk është rastësi që aktualisht në referencën “FYROM” fjalët “former yugoslav” (ish-jugosllave) qëndrojnë përpara fjalës “Republikë” dhe jo përpara fjalës “Maqedoni”.

Madje, Athina lë të kuptohet se edhe kjo referencë duhet përdorur në të gjitha rastet, dhe jo vetëm në relacionet me institucionet ndërkombëtare, sepse ndryshe përbën shkelje të së drejtës ndërkombëtare.

“Qëndrimi i Greqisë është i qartë dhe i vetëm dhe çon në ndryshimin e kësaj situate”, thuhet në fund të kumtesës.

Related Articles

Leave a Reply

Your email address will not be published. Required fields are marked *

Back to top button