Home / Politika / Fleckenstein: Gjermania e bindur për hapjen e negociatave me Shqipërinë

Fleckenstein: Gjermania e bindur për hapjen e negociatave me Shqipërinë

Gjermania është e bindur që tashmë negociatat me Shqipërinë duhet të hapen, edhe pse vendimi i Këshillit të Ministrave të Bashkimit Europian mund të përmbajë kushte.

Në një intervistë për ABC News, raportuesi për Shqipërinë, Knut Fleckenstein tha se “e rëndësishme është që edhe nëse ka kushte, vendimi të mos të kthehet sërish në Këshillin e Ministrave pas raportimit të mëtejshëm të Komisionit Europian”.

“Mesazhi kryesor është që parakushtet e përcaktuara për hapjen e negociatave të anëtarësimit të Shqipërisë në BE janë përmbushur. Kjo nuk do të thotë që puna ka mbaruar. Ne e dimë që ka probleme. Po, ka probleme me krimin e organizuar dhe korrupsionin. Edhe reforma në drejtësi është në zbatim e sipër, por nuk është zbatuar gjithçka. Pra, ka kaq shumë punë përpara. Duhet të përqendrohemi te çështja e pronës, tek rritja ekonomike, punësimi dhe shumë kritere të tjera”, tha ai.

Fleckenstein deklaroi se “ka kaq shumë punë përpara për qeverinë e Tiranës, por edhe për ne për të mbështetur dhe për të promovuar këtë punë, nëse ajo shkon në drejtimin e duhur”.

Por parakushtet për hapjen e negociatave janë përmbushur, theksoi ai, duke shtuar se “ky është qëndrimi i pothuajse të gjitha grupimeve politike në Parlamentin Europian dhe Komisionit Europian”.

Leave a Reply

Your email address will not be published.