Home / Kronika / Kryeprokurorja Arta Marku konfirmohet në detyrë

Kryeprokurorja Arta Marku konfirmohet në detyrë

Ashtu siç pritej, Komisioni i Pavarur i Kualifikimit e ka konfirmuar zonjën Arta Marku në detyrën e Prokurores së Përkohshme të Përgjithshme. Sipas KPK-së, Arta Marku rezultoi e pastër në tre shtyllat e Vetting-ut.
Edhe në dhënien e vendimit, Marku nuk ishte e pranishme në sallë, por u përfaqësua nga avokatja e saj.

Prokurorja e Përgjithshme, zonja Arta Marku nuk u paraqit dje në seancën dëgjimore të Vetting-ut. Mungesa e saj zhgënjeu jo vetëm trupën e Vetting-ut, por edhe përfaqësuesin e ONM-së, Teo Jacobs. Ai e komentoi këtë situatë si mungesë lidershipi nga ana e zonjës Arta Marku, pasi, sipas tij, lidershpi përbëhet jo vetëm nga autoriteti, por edhe nga llogaridhënia.

Edhe pse është njeriu më i rëndësishëm i organit të akuzës, Arta Marku nuk pati forcë të dalë përballë Vetting-ut. Përveç avokates, Markun e përfaqësonin në sallë si publik i thjeshtë edhe tre nga njerëzit më të besuar të saj, Besnik Cami, Alketa Zifla dhe Denion Ndrenika.

Genta Tafa e cilësoi mungesën e Markut si mungesë prestigji, madje në një moment e thumboi kreun e akuzës, duke ju lutur medias që në mungesë të saj t’i tejçonin mesazhin. Edhe Teo Jacobs u shpreh i zhgënjyer dhe shtoi se kjo mungesë nuk është një shenjë e mirë.

Dy nga shtyllat e Vetting-ut, pasuria dhe figura dolën të pastra për Prokuroren e Përgjithshme. Nga kontrollet, Arta Marku rezulton zotëruese, me gjithë bashkëshortin, e dy apartamenteve, ka edhe një shtesë prej 9 metrash nën legalizim.

Leave a Reply

%d bloggers like this: