Home / Arte / Ekspozita / 110 vegla të lashta muzikore të koleksionistit Mark Luli, në MHK

110 vegla të lashta muzikore të koleksionistit Mark Luli, në MHK

110 vegla të ndryshme muzikore, pjesë e koleksionit të kompozitorit Mark Luli, janë prezantuar për publiku si vlera të çmuara të kulturës sonë popullore në ambientet e Muzeut Historik Kombëtar.

Ekspozita është çelur mbrëmjen e të hënës, në kuadër të aktiviteteve të organizuara nga Ministria e Kuluturës në “Ditën Kombëtare të Trashëgimisë Kulturore”, dhe nismës së po kësaj ministrie “Trego Kulturën Tënde”.

Në koleksionet e Mark Luli janë instrumente muzikore që datojnë nga 1860 deri në vitin 1990, pas një pune kërkimore dhe studimore 40 vjeçare në zona të ndryshme të vendit, jo vetëm në Shqipëri por edhe në Mal të Zi apo Kosovë për të mbledhur këtë pasuri popullore.Ekspozite me instrumenta popullore Foto Agim Dobi (1)

Ndërsa vlerëson pasurinë folklorike kombëtare, si koleksionit dhe kompozitor, Mark Luli e konsideron tejet të rëndësishme që në festivalet popullore këngët duhet të shoqërohen vetëm me instrumente popullorë, si e vetmja mënyrë për të ruajtur vlerat kombëtare.

Në koleksionet e prezantuara në MHK, janë të gjitha familjet e veglave muzikore të ndara sipas grupeve si membranofoni, kordofoni, aerofoni, etj.

Ekspozite me instrumenta popullore Foto Agim Dobi (2)

Në këtë ekspozitë me 110 instrumente muzikore janë të gjitha llojet e fyejve nga zonat e ndryshme, të gjitha llojet e dajreve, sistra të ndryshëm, kemi lahutën e Malit të Zi, lahutën e Vermoshit, etj.

Ekspozite me instrumenta popullore Foto Agim Dobi (4)

Ekspozite me instrumenta popullore

Nga jugu, janë curlen dyjare që është një instrument bazë i popullit të jugut, për të vijuar me vegla muzikore nga Shqipëria e Mesme si çiftelia, zilet, etj. Janë pipzat, instrumente me kallam, por dhe instrumente me brirë.

Gjatë kësaj ekspozitë, që do të qëndrojë e hapur për publikun deri më 2 tetor,  u mbajt edhe një performancë e lashtë muzikore nga Ansambli “Arketip” me instrumente nga koleksioni privat i Mark Lulit

Leave a Reply

Your email address will not be published.