roze

Çifti që nuk u nda nga biçikleta edhe në ditën e dasmës

“Çdo ditë është një eksperiencë e veçantë. Mund të ndodhë që zgjohemi në 5, jemi bashkë. Do ikim me biçikleta? Do ikim”.

Prej 6 muajsh, kështu rrjedh jeta e Jetmirës dhe Ervisit. Janë njohur para gati 3 vitesh, në një drekë teksa gatuanin për fëmijët në nevojë. Ndjeshmërinë dhe pozitivitetin e njërit e gjen edhe te tjetri. Është kjo arsyeja pse sot nuk janë vetëm vullnetarë e aktivistë mjedisorë të mirë, por kanë formuar një familje.

“Në muajin mars ne realizuam dasmën tonë. U munduam të ishim vetja, të realizonim një dasmë që të tregonim ato dëshirat dhe pasionet që ndanim me njëri-tjetrin, se u dashuruam nga pasionet e njëri-tjetrit dhe menduam që temën e dasmës të kishim bicikletën. Gjatë gjithë kohës po kërceja dhe ishte realizim i një ëndrre, aq më tepër prej biçikletës, që e kemi pasion të dy”, tregon Jetmira Halilaj.

Historia, ashtu si plot prova nga fusha të ndryshme, kanë treguar se ato që tërhiqen janë të kundërtat, por Jetmira dhe Ervisi, e me siguri e shumë çifte të tjerë si ta, dëshmojnë sa në sinkron, paqe dhe gëzim, mund të shkojnë ditët kur partnerët mendojnë njësoj e të njëjta i kanë idealet në jetë.

Related Articles

Leave a Reply

Your email address will not be published. Required fields are marked *

Back to top button