Ekonomia

Ibrahimaj: Statistikat kombëtare, drejt përputhjes me standardet e BE-së

Sistemi statistikor është në themelin e zhvillimit të një vendi demokratik, ku vendimet dhe politikat hartohen bazuar në shifra. Delina Ibrahimaj, Drejtore e Përgjithshme, institutit i Statistikave, INSTAT drejtoi sot Konferencën Përmbyllëse të projektit “Mbështetje për zhvillimin e Sistemit Statistikor në Shqipëri”(IPA2013), ku prezantoi arritjet e projektit, me qëllimin e rritjes së standardeve të cilësisë, qëndrueshmërisë dhe efikasitetit të prodhimit të të dhënave statistikore, prodhuar nga INSTAT dhe prodhues të tjerë zyrtar në Shqipëri.

Zonja Ibrahimi tha se, INSTAT bëri një pune disavjeçare në implementimin e këtij projekti kaq të rëndësishëm, i cili ka vendosur një gur themeli në përmirësimin e Sistemit Kombëtar Statistikor.

Ky projekt, i mirë strukturuar ka sjellë rritje te efektivitetit të punës së INSTAT, përmes zbatimit të implementimit të 3 komponentëve kryesorë. Duke u përqendruar në përmirësimin e proceseve kyçe të prodhimit statistikor, projekti ka mundësuar që INSTAT të zbatojë strategjitë dhe programet e tij, duke bërë kështu një hap edhe më pranë përputhshmërisë së prodhimit statistikor me standardet evropiane.

Ibrahimai tha se u përmirësuan proceset e prodhimit të statistikave, infrastrukturës së iT-së, si edhe zgjerua shpërndarja e informacionit.

Gjatë dy viteve të fundit, ekipet ndërkombëtare dhe lokale kanë punuar së bashku duke kapërcyer sfida, zbatuar me kujdes dhe përkushtim planin e veprimit, si edhe duke monitoruar me kujdes dhe përshtatur burimet njerëzore dhe financiare të nevojshme.

“Implementimi i këtij projekti na ka ndihmuar të përmirësojmë kapacitetet menaxhuese të institucionit, pa lënë mënjanë ndërtimin e marrëdhënieve afatgjata me ekspertë të fushave të ndryshme dhe agjenci simotra ndërkombëtare, në veçanti me zyrën statistikore të Republikës së Serbisë” tha Ibrahimi.

Related Articles

Leave a Reply

Your email address will not be published. Required fields are marked *

Back to top button