Kronika

Prishjet në Jalë: Tensionohet situata, banorët përplasen me policinë, 10 të ndaluar edhe një vajzë 14 vjeçe

Që në nisje të ditës së sotme, banorë të Jalës janë përplasur me forcat e policisë pasi Inspektorati Kombëtar i Mbrojtjes së Territorit ka filluar të prishë 9 objekteve të ndërtuara pa leje në zonën e Jalës. Situata është tensonuar dhe 10 persona jane shoqëruar në policinë e Himares, mes tyre dhe një vajze 14 vjeçare.
Objektet që po prishen janë kryesisht hotele një dhe dykatëshe, për të cilat banorët thonë se kishin ende pushues brenda në momentin e mbërritjes së inspektorëve.
Thuhet se Ministria e Mbrojtjes pretendon se ndërtimet janë brënda zonës ushtarake ku është hoteli i ushtarakëve, kurse banorët pohojnë së ndërtimet janë bërë në tokën e tyre, dhe për këtë janë në proces gjyqësor.
IKMT sqaron se për këto objekte është bërë procesi i skualifikimit nga ana e institucionit të ALUIZNI-it duke u trajtuar si ndërtim i paligjshëm ndërsa njoftimi është bërë sipas ligjit.
Ndërkohë banorët shprehen se nuk janë njoftuar paraprakisht, madje thonë se objektet janë në pronën e tyre me ligjin 7501.
“Kam dokumentet e pronës, të cilën e kemi me ligjin 7501. Ne jemi në pronën tonë dhe nuk jemi futur absolutisht asnjë metër brenda kufirit. E vetmja arsye që po na i prishin ndërtimet është se ata pretendojnë se në jemi futur brenda territorit të SHPU në Jalë, Shtëpia e Pushimit të Ushtarakëve. Ne e vërtetojmë që nuk është kështu me dokumente. Për këtë kemi bërë edhe ankimim në Gjykatën e Vlorës. Ne jemi në proces gjyqësor dhe e kemi ankimuar brenda afateve kohore. Sot kanë ardhur pa njoftim paraprak dhe pa një vendim”, shprehet një prej pronarëve të ndërtimeve që janë parashikuar të prishen në Jalë.

Related Articles

Leave a Reply

Your email address will not be published. Required fields are marked *

Back to top button