Rama: Rritja e akcizës së duhanit, ndikim në uljen e konsumit

Kryeministri Edi Rama e konsideroi sot, uljen e shifrave të konsumit të duhanit, “një tregues inkurajues që do të përmirësohet akoma përmes rritjes më tej të akcizës së cigareve”.

Përmes një postimi në rrjetin social Facebook, Rama deklaroi se “edhe zbatimi rigoroz i ligjit Antiduhan është pjesë e kësaj beteje të programuar për uljen afatgjatë të sëmundshmërisë nga konsumi i cigares”.

Në mbledhjen e sotme, Këshilli i Ministrave rriti akcizën për duhanin, një masë kjo që pritet të ketë impakt ekonomik dhe social.