Rajoni
Zhbogar: Do të jeni më të fuqishëm si pjesë e familjes sonë
Bashkimi Evropian është bashkësi e vendeve më të mëdha dhe më të vogla, të vogla në raport me ndikimin në botë, por si bashkësi, të gjithë jemi të fuqishëm. Do të jemi më të fuqishmi me juve pranë nesh, ndërsa ju do të jeni më të fuqishëm si pjesë e familjes sonë. Ne si donatorët më të mëdhenj në vend do ju ofrojmë mbështetje akoma më të madhe, ka aq shumë gjëra që duhet të bëhen, me qëllim të përmirësimit të jetëve të qytetarëve.
Këtë e porositi ambasadori i bashkimit Evropian në Maqedoni, Samuel Zhbogar, mbrëmë në një akademi solemne në Institucionin nacional, qendra për kulturë Kriva Pallankë, me rastin e Ditës së çlirimit të qytetit, ku u shpall qytetar nderi i këtij qyteti.
Zhbogar u falënderua për nderin që të jetë qytetar nderi i Kriva Pallankës dhe theksoi se nga arritja në Shkup para dy vjetëve, motoja e tij është se Maqedonia nuk është vetëm Shkup.