Gjeneral Sandër Lleshi emërohet zv.ministër i Brendshëm

Pas votimit në Kuvend të shkarkimit të ish-ministrit të Brendshëm, Fatmir Xhafaj, në krye të institucionit është emëruar gjeneral Sandër Lleshi.  Ai u ngarkua me detyrën e zv.ministrit të Brendshëm,  pasi presidenti Meta nuk e dekretoi si ministër të Brendshëm.

Kryeministri Rama postoi një foto me zv.ministrin Lleshi pas mbledhjes së sotme të Qeverisë.

“Me drejtuesin e ri të Punëve të Brendshme, gjeneral Sandër Lleshin, pas mbledhjes së qeverisë që vendosi emërimin e tij zv.ministër i Brendshëm”, thotë kryeministri Rama.