Politika

Meta në Kalabri: “Shqipëria do të shndërrohet në një “atdhe të dytë” për kalabrezët dhe italianët

Presidenti Ilir Meta u ka bërë thirrje investitorëve kalabreze të investojnë në Shqipëri duke u premtuar se ajo do të shndërrohet në një atdhe të dytë për ta. Zoti Meta i bëri këto deklarata gjatë një vizitë në kompaninë “Amarelli”. “Më lejoni t’ju ftoj të diskutoni e të eksploroni Shqipërinë dhe oportunitetet investuese që ajo ofron për secilin prej jush! Na duhet ndihma, përvoja juaj e vyer dhe investimet tuaja. Duhet ta dini se në Shqipëri jeni të mirëpritur për të investuar e për të bërë biznes dhe për të jetuar, ashtu siç i pritet ju arbëreshët dikur, shpresoj se Shqipëria do të shndërrohet në një “atdhe të dytë” për kalabrezët dhe italianët” tha zoti Meta.

Presidenti shqiptar gjatë vizitës në Kalabri ka evokuar periudhat kur Italia u ofroi strehë shqiptarëve në momente të vështira për ta. “Fati e donte që Italia të bëhej një “tokë e premtuar” si për arbëreshët, bashkëkohësit e Heroit tonë Kombëtar Gjergj Kastrioti Skënderbeu, para më shumë se 500 vitesh , ashtu dhe për emigrantët shqiptarë të pas viteve 90-të, të cilët sakrifikuan gjithçka për një jetë më të mirë për vetë dhe familjet e tyre.

Sot pas gati 27 vitesh demokraci, vendi ka bërë progres në shumë drejtime edhe pse aspiratat dhe pritshmëritë tona për të ndërtuar një Shqipëri europiane akoma nuk janë përmbushur. Si shqiptarë ndihemi mirë teksa shikojmë dhe dëgjojmë çdo ditë dhe më tepër të rinj italianë që studiojnë, punojnë dhe jetojnë në Shqipëri. Janë mbi 25 mijë qytetarë italianë që kanë zgjedhur si “tokën e premtuar” të tyre Shqipërinë” tha zoti Meta.
Gjatë këtij takimi sipërmarrësit italianë nënvizuan interesin e madh për të zgjeruar tregjet e prodhimeve të tyre në Shqipëri, nëpërmjet sipërmarrjeve të përbashkëta në fushat e biodiversitetit, agrikulturës, si dhe veçanërisht të prodhimit dhe përpunimit të agrumeve.

Related Articles

Leave a Reply

Your email address will not be published. Required fields are marked *

Back to top button