Kronika

Meren në mbrojtje prokurorët dhe gjygjtari i çështjes “Avdyli”

Dy prokurorët dhe gjyqtari që firmosën urdhër arrestet dhe masat për 27 të arrestuarit në operacionin Volvo 4, anëtarë të grupit të dyshuar struktururar kriminal “Avdyli”, pjesë e së cilës akuzohen të jenë edhe dy ish-deputetët socialistë, janë marrë në mbrojtje nga policia e shtetit.

Burimet konfirmuan se truproja u janë caktuar prokurorëve Vladimir Mara e Dritan Prençi, si dhe gjyqtarit Bib Ndreca që shikoni në këto pamje.

Sipas Prokurorisë së Krimeve të Rënda, nuk ka patur kërcënim konkret ndaj tyre, por drejtoria e përgjithshme e policisë ka vlerësuar se dy prokurorët dhe gjyqtari duhet të përfitojnë mbrojtje, për shkak të një rreziku të mundshëm.

Mes të ndaluarve të këtij operacioni, janë edhe dy ish-deputetët socialistë Arben Ndoka dhe Arben Cuko me akuzat për tjetërsim pronash e korrupsion, të dy me masën arrest me burg.

Arben Ndoka ra në prangat e policisë pasi nga përgjimet telefonike të Prokurorisë ai rezultonte i përfshirë në një skemë tjetërsimi pronash në zonën e Kunes dhe Rana e Hedhun në Shëngjin. Gjithçka u zbulua nga hetimet e prokurorisë për vëllain e Arben Ndokës, Gjevi Ndoka, si i lidhur me Avdylajt e Shijakut, të cilët akuzohen për trafik droge dhe porositës të heroinës së laboratorit të Hasit. Ndërsa Arben Çuko u vendos në pranga krejt rastësisht, teksa nga hetimet dhe përgjimet rezulton të ketë krijuar favore në transferimin e të burgosurve kur ushtronte detyrën e Drejtorit të Përgjithshëm të Burgjeve.

Related Articles

Leave a Reply

Your email address will not be published. Required fields are marked *

Back to top button