Ekonomia

Shitja e frekuencave 4G shtyhet, AKEP: E kërkuan operatorët

Autoriteti i Komunikimeve Elektronike dhe Postare thotë se kanë qenë vetë operatorët që kanë kërkuar shtyrjen e ankandit për tre licensat që do te rrisin fuqinë e internet 4G.
Sipas drejtorit të autorizimeve në AKEP, Jetmir Braha në shitje për 15 vjet kanë dalë të drejtat e përdorimit të brezit të frekuencave 800 mgh.

Zyrtarisht është njoftuar se ky brez është liruar tashmë nga transmetimet e televizioneve dhe nuk ka kufizime se kush pjesë në garë.

“Këto të drejta janë tre për shkak se vetë brezi është i kufizuar për të dhënë vetëm tre të drejta ndërkohe që pjesëmarrja është e lirë nuk ka kufizime si për operatorë vendas ashtu dhe për operatorë të huaj pasi tenderi është i hapur ndërkombëtar, ndërkohë që jemi në një moment tjetër që është shtyre kjo procedure për në datën 7 shkurt dhe kjo ka ardhur kryesisht me kërkesë të operatorëve, por edhe disa ndryshime të vetë tenderit”, sqaron Jetmir Braha, drejtor i autorizimeve AKEP.

Sipas AKEP këto frekuenca janë një mundësi e mirë për operatorët që duan të ofrojnë shërbime interneti 4G me cilësi të lartë për qytetarët.

“E para është mbulimi do te kemi një mbulim shumë më të mire në brezin e frekuencave 800 mgh pra e thënë në gjuhën më të thjeshtë do të kemi sinjal më të mirë dhe më të fortë dhe e dyta është që shpejtësia e transferimit të të dhënave pra shpejtësia e aksesimit në internetit nga aparatet rritet ndjeshëm, në trefishin e asaj që është aktualisht”, tha Jetmir Braha.

Ankandi për rritjen e kapaciteteve 4G u shty nga 3 dhjetori në 7 shkurt të vitit të ardhshëm.

Related Articles

Leave a Reply

Your email address will not be published. Required fields are marked *

Back to top button