Kosova

22 eurodeputetë kërkojnë liberalizimin e vizave për Kosovën

Në një letër drejtuar presidentit të Këshillit Evropian, Donald Tusk dhe presidencës austriake të Bashkimit Evropian, deputetët shkruajnë se liberalizimi i vizave do të përmirësojë qëndrueshmërinë dhe do ta afrojë Kosovën me Bashkimin Evropian.

Duke theksuar se Kosova është i vetmi vend i papërfshirë në këtë regjim, deputetët shkruajnë se kjo krijon ndjenjë të izolimit që ndikon në jetën e përditshme të qytetarëve të Kosovës.

View image on TwitterView image on Twitter

Eduard Kukan

@EduardKukan

Open letter by @tfajon, myself and 20 colleague MEPs calling for visa-free regime for ??. We believe that VL will improve stability and bring Kosovo closer to the ??

Në letër përmendet fakti se Komisioni Evropian që më 18 korrik kishte pohuar se Kosova i ka përmbushur kriteret për përfshirje në këtë regjim dhe Parlamenti Evropian me shumicë votash më 13 shtator mbështeti liberalizimin e vizave për qytetarët e Kosovës.

Propozimi i parë nga Komisioni Evropian qe dhënë në maj të vitit 2016, por procesi i u bllokua për shkak të mos ratifikimit të marrëveshjes për shënimin e kufirit ndërmjet Kosovës dhe Malit të Zi.

Pas gati tri vjet debatesh e përplasjesh në parlamentin e Kosovës, por edhe jashtë tij, marrëveshja u ratifikua në mars të këtij viti.

Në Kosovë kishte shpresë se këtë muaj Këshilli i Ministrave i Bashkimit Evropian do ta diskutonte këtë çështje në takimin e 6 dhe 7 dhjetorit, por kjo nuk është përfshirë në agjendën e takimit.

Kjo u konfirmua edhe gjatë vizitës së komisionarit të BE-së për zgjerim, Johannes Hahn i cili të hënën qëndroi në Kosovë për të nxitur Prishtinën që të heqë tarifat prej 100 për qind ndaj mallrave nga Serbia.

Ligjvënësi amerikan Elito Engel, i bëri jehonë letrës së deputetëve të Parlamentit Evropian që besojnë se është thelbësore që Kosovës t’i jepet liberalizimi i vizave.

“Jam i zhgënjyer nga komisionari i BE-së, Johannes Hahn, i cili tha se liberalizimi i vizave për Kosovën do të shtyhet sërish. Kosova ka bërë krejt çfarë ka kërkuar Bashkimi Evropian. Mohimi i liberalizimit të vizave është tradhti e premtimeve që ka bërë Bashkimi Evropian”, shkroi ai.

House Foreign Affairs Committee Democrats

RM @RepEliotEngel: I’m disappointed by EU Commissioner Johannes Hahn saying visa liberalization for Kosovo will be delayed again. Kosovo has done everything the EU has asked. Denying visa liberalization now is a betrayal of promises the EU made. https://www.rtklive.com/en/news-single.php?ID=12923 

Hahn: No visa liberalisation until 2020

During his visit to Kosovo, European Commissioner for Neighbourhood Policy and Enlargement Negotiations Johannes Hahn said that 2020 is the most realistic time when this could happen.

rtklive.com

House Foreign Affairs Committee Democrats

@HFACDemocrats

RM @RepEliotEngel: I stand with the more than 20 European Parliamentarians who consider it vital that visa liberalization be granted to Kosovo. pic.twitter.com/ZGxEFcb6Do

Qytetarët e Kosovës aktualisht janë të vetmit në rajonin e Ballkanit perëndimor që duhet të kërkojnë viza për të udhëtuar në vendet e Bashkimit Evropian, ndërsa qytetarët e vendeve fqinje vitin e ardhshëm mbushin dhjetë vjet që kur janë përfshirë në regjimin e udhëtimit pa viza.

Related Articles

Leave a Reply

Your email address will not be published. Required fields are marked *

Back to top button