Politika

Takimi tek Gjeologjiku, Rama: Kërkesat nuk plotësohen pa folur

Kryeministri Edi Rama ka publikuar videon e takimit me pedagogë dhe studentë tek Fakulteti i Gjeologji Minierave gjatë mbremjës së sotme. Rama shkruan se ky takim ishte një nxemje për Dialogun e pashmangshëm, i cili do të vijë së shpejti. Kryeministri u shpreh se kërkesat e studentëve nuk mund të plotësohen pa folur.

“Ne dolëm në protestë kundër një regjimi jo kundër një qeveri dhe qëllimi ishte si të uleshim në tavolinë me regjimin. Dhe jo që nuk u quajt kush tradhtar por ata që folën u bënë heronj. Ata ishin pararojë. Si plotësohen kërkesat pa folur. Gjëegjëzë që unë duhet ta gjej se çfarë ka në kokë gjithsecili. Si duhet t’ju lutem që të flisni”- tha ndër të tjera Rama gjatë takimit tek Fakulteti i Gjeologji Minierave. 

Statusi i Ramës në Facebook:

Sonte tek Gjeologjiku – Me pedagogë e studentë, në një “nxemje” për Dialogun e pashmangshëm, i cili po nis mes ngurrimesh të mëdha e frikërash të çuditshme, në një atmosferë thuajse surreale ku mijëra e mijëra vetë, u druhen sa presioneve online të pakicës që s’do Dialog dhe sa bashkëbisedimit me një njeri të vetëm?

Shumë faleminderit sidoqoftë secilit prej atyre që me praninë në sallë, e thyen pa kthim akullin e Mosdialogut?

Nesër të tjerë?

Shënim: Ky regjistrim transmetohet me miratimin e të gjithë të pranishmëve në sallë, pa asnjë votë kundër?

Related Articles

Leave a Reply

Your email address will not be published. Required fields are marked *

Back to top button