Ministria e Ekonomisë dhe Financave, largohet Ahmetaj emërohet Anila Denaj
Anila Denaj do të jetë Ministrja e re e Ekonomisë dhe Financave, ndërsa largohet nga kjo detyrë Arben Ahmetaj.
Në mbledhjen e Asamblesë Kombëtare të Partisë Socialiste, Kryeministri Edi Rama vlerësoi kontributin e Arben Ahmetaj, i cili sipas tij, “pa diskutim që ka një rol absolut në gjithçka që lidhet me shifrat”.
“Faktet domethënëse për fat të keq e humbasin rëndom domethënien në vorbullën e kazanit. Nuk dua të numëroj atë që është bërë, por nëse sot shifrat janë të atilla që Shqipëria pati një sukses në tregjet e kapitaleve në botë të Eurobondit, merita kryesore është e Ahmetaj”, tha Rama.
Kryeministri theksoi se Anila Denaj është drejtuesja aktuale e Fondit të Shërbimit Kombëtar Shëndetësor, me një eksperiencë të gjatë financiare dhe ndërkombëtare.
