Boçi: Studentë të universiteteve private nuk po regjistrohen në universitetet publike
Deputeti i Partisë Demokratike, Luciano Boçi, gjatë një deklarate për mediat te dielen ka akuzuar qeverinë se po i trajton mijëra të rinj studente të universiteteve private si emigrantë të paligjshëm, duke i sorollatur nëpër dyer ku nuk marrin sqarim.
“Studentë të universiteteve private dhe familjet e tyre po përjetojnë sot ditë ankthi, pasi falë qeverisë, nuk kanë asgjë të sigurtë për të nesërmen e tyre akademike. Mijëra studentë të tjerë nuk po regjistrohen dot në universitetet publike, sepse dyert e tyre janë të mbyllura nga kuotat qeveritare”, u shpreh Boçi.
“Ne i bëjmë thirrje sot qeverisë të ndali diskriminimin e të rinjve dhe të sigurojë mundësitë për secilin që të ndjekë universitetin sipas krediteve që ka përfituar gjatë viteve të studimit”, theksoi Boçi.
