Politika

Fleckenstein: Djegia e mandateve dëmton negociatat me BE-në

 Raportuesi për Shqipërinë në Parlamentin Europian, Knut Fleckenstein, thotë se vendimi i opozitës shqiptare për djegien e mandateve në Kuvend, e dëmton vendimmarrjen e qershorit për hapjen e negociatave me vendin tonë nga Bashkimi Europian.

Në një reagim për lëvizjen më të fundit të opozitës, atë të djegies së mandateve që erdhi pas protestës së dhunshme të 16 shkurtit, Fleckenstein thotë se puna e opozitës në parlament është të ofrojnë alternativë ndaj politikës aktuale.

“Kjo nuk është hera e parë që përballemi me këtë situatë, që opozita shqiptare braktis punën në parlament. Për mendimin tim, asgjë nuk ka ndryshuar në këtë drejtim, në të paktën pesë vitet e fundit. Është detyra e opozitës në parlament, dhe nëse e konsiderojnë të nevojshme, edhe jashtë parlamentit – të ofrojë një alternativë ndaj politikës aktuale. Në fund të ditës, është në dorën e çdo anëtari të parlamentit, të vendosë nëse ai apo ajo dëshiron të heqë dorë nga mandati i dhënë nga populli”, tha raportuesi Fleckenstein, në një komunikim për një të përditshme në Tiranë.

“Sigurisht që do të ndikojë në vendimin e Brukselit për hapjen e negociatave për Shqipërinë në qershor 2019. Për një vend pa funksionimin e parlamentit dhe pa opozitë, është më e vështirë të arrihet marrëveshja e nevojshme e shteteve anëtare”, përfundoi raportuesi për Shqipërinë në Parlamentin Europian, Knut Fleckenstein.

Related Articles

Leave a Reply

Your email address will not be published. Required fields are marked *

Back to top button