Ekonomia

Investimet e kthyen Pukën në një destinacion turistik

Puka është kthyer në qendër atraksioni turistik, pas investimeve të kryera nga qeveria shqiptare në qytetin verior.

Kështu deklaroi kryetari i bashkisë së Pukës, Gjon Gjonaj, gjatë takimit publik të ciklit kombëtar “Bashkia që duam”, ku është i pranishëm edhe Kryeministri Edi Rama, deputeti i Partisë Socialiste, Ditmir Bushati, drejtues të pusheteti vendor, qytetarë etj.

“Me një vëmendje e përkushtim të madh për popullin e Pukës, Qeveria dhe kryeministri Rama bënë të mundur që Puka sot të lulëzojë e të begatojë, gjë që është e pabesueshme për çdo vizitor që ka vite që ska ardhur këtu”, theksoi Gjonaj.

Kreu i bashkisë së Pukës falënderoi gjithashtu për mbështetjen edhe ish-ministrin e Jashtëm, Ditmir Bushati, me të cilin tha ai kemi diskutuar problemet dhe kemi shkuar deri në fshatrat më të thella për të marrë shqetësimet dhe për t’i cuar ato tek qeveria shqiptare.

Sipas tij, reforma territoriale solli një risi të re duke ndryshuar esencialisht gjithë jetën e çdo qytetari.

“Vendet e punës në bashkinë e Pukës nuk janë zënë nga lidhjet farefisnore, fetare apo partiake, por sipas meritokracisë”, tha Gjonaj.

Ai u shpreh se “projektet që janë zbatuar në Pukë në këtë periudhë kaq të shkurtër janë të pallogaritshme”.

Duke folur për rikonstruksionin e fasadave të banesave në Pukë, Gjonaj tha se “shumë kush ka thënë se kjo qeveri është e fasadave, por nëse nuk do të bëhej rikonstruksioni i fasadave, atëherë kush turist do të vinte këtu”.

“Në bashkinë e Pukës dhe jo vetëm në qytet, për miopët e partive politike që janë mësuar të abuzojnë e shpërdorojnë fjalën, ne kemi 82 projekte të përfunduara. Nga këto 2.3 milionë euro janë bërë me forca pa asnjë tenderim, zero tenderim. Ju jeni dëshmitarë që ky qytet për dy ditë ka marrë 7 milionë lekë të vjetra”.

Gjonaj tha se “pavarësisht nga kontributi që ka dhënë qeveria, bashkia ka realizuar edhe projekte të tjera, si në spital, Qendrën Kulturore të Fëmijëve, Pallatin e Kulturës etj.

“Po ashtu kemi pastruar rezervuarin e liqenit, i cili ka qenë një qendër infeksioni. Tani është kthyer në qendër atraksioni”, shtoi ai.

Gjonaj kërkoi nga kryeministri Rama që projekti për transformimin e Pukës të mos lihet përgjysëm.

Related Articles

Leave a Reply

Your email address will not be published. Required fields are marked *

Back to top button