Home / Politika / Djegia e mandateve, reagon ambasada e SHBA: Po minoni demokracinë

Djegia e mandateve, reagon ambasada e SHBA: Po minoni demokracinë

Ambasada e SHBA reagon për herë të parë, qartë dhe prerë në lidhje me vendimin e opozitës së bashkuar për djegien e mandateve. Vendimi i opozitës, siç thuhet në reagimin e ambasadës minon parimet bazë të demokracisë. Po ashtu theksohet se ky vendim saboton përparimin e rëndësishëm që Shqipëria ka arritur në zbatimin e ligjit dhe qeverisjen e përgjegjshme.

Ambasada i bën thirrje deputetëve të heqin dorë nga ky vendim pasi zhgënjehen njerëzit të cilët i kanë zgjedhur për t’i përfaqësuar.

STATUSI I PLOTE

Një demokraci e shëndetshme kërkon një opozitë që funksionon në mënyrë konstruktive brenda institucioneve kushtetuese. Kërcënimet nga Partia Demokratike, Lëvizja Socialiste për Integrim dhe parti të tjera opozitare për të braktisur mandatet e tyre në parlament minojnë parimet bazë të demokracisë dhe sabotojnë përparimin e rëndësishëm që Shqipëria ka arritur në zbatimin e ligjit dhe qeverisjen e përgjegjshme. Shtetet e Bashkuara iu bëjnë thirrje të gjithë deputetëve të ngrihen mbi sherret politike, të refuzojnë thirrjet për të braktisur mandatet e tyre dhe të mbrojnë idealet dhe parimet që janë me rëndësi thelbësore për çdo demokraci të fortë. Nëse dështoni të bëni punën tuaj, do të zhgënjeni njerëzit të cilëve keni privilegjin tu shërbeni.

Leave a Reply

%d bloggers like this: