Politika

Një ditë para protestës/Ambasada e SHBA-së: Qeveria legjitime. Ish-deputetët ta lënë të punojë për të ardhmen

Një ditë para protestës së paralajmëruar nga opozita, ambasada e Shteteve të bashkuara të Amerikës përmes një postimi në faqen saj zyrtare bëjnë thirrje për ruajtjen e qetësisë.

Duke e cilësuar qeverinë dhe Parlamentin aktual si të zgjedhura në mënyrë legjitime, ambasada e SHBA u bëjnë thirrje opozitarëve që dogjën mandatin që ta lënë atë të punojë për të ardhmen e vendit.

Në reagimin e ambasadës së SHBA, edhe pse theksohet se ka ende punë për të bërë, vlerësohet ecuria në Reformën në Drejtësi, si dhe përparimin në luftën kundër korrupsionit dhe krimit të organizuar.

Deklarata e plotë
Pavarësisht se protesta paqësore është një shtyllë themelore e demokracisë, nxitja apo kryerja e veprimeve të dhunshme, përfshirë edhe shkatërrimin e pronës publike, janë të paligjshme. Ne i nxisim të gjithë aktorët e demokracisë shqiptare që të ushtrojnë vetëpërmbajtje në protestën e 16 marsit.

Ambasada e Shteteve të Bashkuara i konsideron Qeverinë dhe Parlamentin aktual të Shqipërisë të zgjedhura në mënyrë legjitime nëpërmjet zgjedhjeve të vitit 2017, të njohura ndërkombëtarisht. Ne vlerësojmë punën e mirë që është bërë në zbatimin e reformës në drejtësi në Shqipëri, si dhe përparimin në luftën kundër korrupsionit dhe krimit të organizuar. Ka ende punë për të bërë.

Ndërkohë që, ata ish anëtarë të Parlamentit të cilët vendosën të braktisin mandatet, hoqën dorë nga detyrimet e tyre ndaj qytetarëve shqiptarë, duhet të lejojnë ata që duan të punojnë për të ardhmen e vendit të bëjnë punën e tyre.

Ne mbështesim të gjithë ata që vazhdojnë të jenë të përfshirë në procesin demokratik në Parlament, në mënyrë që Shqipëria të vazhdojë të ecë përpara, drejt anëtarësimit në Bashkimin Europian.

Related Articles

Leave a Reply

Your email address will not be published. Required fields are marked *

Back to top button