Kosova

Taksa ndaj Serbisë, produktet gjermane “pushtojnë” Kosovën

Në vitrinat e marketeve të Kosovës kanë nisur të zënë vend dukshëm më të madh produktet e shteteve të Bashkimit Evropian.

Në muajin mars, importi më i madh i produkteve është bërë nga Gjermania, 14% e importit të përgjithshëm.

Madje, të dhënat e Agjencisë së Statistikave të Kosovës tregojnë konsumi i produkteve gjermane ka shënuar rritje për 10 milionë euro në muajin mars, në krahasim me periudhën e njëjtë të vitit të kaluar. E konsumatorët thonë se është krijuar një treg i ri.

“Tash e 8 vjet jetoj në Kosovë dhe fillimisht kur kam ardhur ka pasur më shumë mallra nga Serbia, por tani ka mallra nga Turqia, Franca, Italia e Gjermania. Tani jemi më të lumtur për cilësinë e mallit, si për nga ushqimi ashtu edhe për nga tekstili”, thotë një qytetar.

Ndihmesë të madhe për përzgjedhjen e produkteve po vlerësohet nga klientët vendosja e flamujve të origjinës pranë çmimit të secilit produkt.

Menaxherët e bizneseve tregojnë se sektorët e ushqimit dhe higjienës kanë pasur ndryshim më të madh të produkteve.

Pas Gjermanisë, importi i produkteve në muajin mars pasohet nga Greqia, Italia, Sllovenia e Bullgaria. Deri në vitin 2018, brenda një dite në Kosovë është importuar mall serb në vlerë të 1.2 milionë eurove. Ndërsa pas masës mbrojtëse importi ka rënë për 99%. Tani importohet mall në vlerë të rreth 500 mijë eurove, kryesisht produkte të brendeve ndërkombëtare.

Related Articles

Leave a Reply

Your email address will not be published. Required fields are marked *

Back to top button