Kosova

Haradinaj: Qeveria do të vazhdojë transparencën me gazetarët

Kryeministri i Kosovës, Ramush Haradinaj ka uruar Ditën Ndërkombëtare të Lirisë së Shtypit.

Haradinaj ka thënë se Kosova ka shënuar ngritje me katër vende në mbrojtjen e gazetarëve, sipas Raportit të Reporterëve pa Kufij dhe ky përmirësim fiton peshë pasi sivjet hetohet një rënie të përgjithshme të lirisë së shtypit në Evropë në tërësi në vitin 2018.

Ai ka shtuar se Qeveria aktuale duket më e gatshme të flasë me gazetarët dhe mediat në tërësi.

“Në Ditën Ndërkombëtare të Lirisë së Shtypit, Kosova ka shënuar ngritje për katër vende në mbrojtjen e gazetarëve, sipas Raportit të Reporterëve pa Kufij dhe ky përmirësim fiton në peshë pasi që sivjet hetohet një rënie të përgjithshme të lirisë së shtypit në Europë në tërësi në vitin 2018.
Megjithëse Raporti i Reporterëve pa kufij, për këtë vit ka përmendur përmirësimet në marrëdhëniet mes mediave dhe Qeverisë, duke vënë në dukje se Qeveria aktuale duket më e gatshme të flasë me gazetarët dhe mediat në tërësi.
Qeveria do ta vazhdojë këtë dialog me gazetarët për një transparencë dhe llogaridhënie gjithnjë e më të avancuar, duke qenë e vetëdijshme për sfidat që i ka përpara për të krijuar një pasqyrë plotësisht pozitive në progresin e lirisë së shtypit”, shkruan Haradinaj.

Related Articles

Leave a Reply

Your email address will not be published. Required fields are marked *

Back to top button