Nisur nga Holanda drejt Shqipërisë, kapen 7 kg kokainë në Bari

Thuajse shtatë kilogramë kokainë janë sekuestruar sot në portin e Barit dhe dy shqiptarë kanë rënë në prangat e policisë italiane. Sipas mediave fqinje  kokaina vinte nga Holanda dhe kishte destinacion Shqipërinë.

Operacioni u zhvillua nga guardia di financia në bashkëpunim me funksionarë të agjensisë së doganës. Gjatë operacionit janë sekustruar edhe 150 mijë euro para.

Dy personat e arrestuar, dy kamionistë të cilët do transportonin kokainën i përkisnin moshës 30 dhe 44 vjeç, udhëtonin në bordin e një kamioni frigorifer i cili transportonte 20 tonelatë patate të ngrira.