Politika
Rama shkëputet nga fushata, do marrë pjesë në Forumin e prestigjozes Financial Times
Në një postim në Twitter, kryeministri i vendit Edi Rama thotë se do të marrë pjesë në Forumin e prestigjozes Financial Times, e për këtë arsye do të “braktisë” për 24 orë edhe fushatën elektorale.
Shefi i qeverisë thotë se shkëputja do jetë e përkohshme, pasi fushata elektorale do të vazhdojë drejt 30 qershorit, ditë kur populli sipas tij do t’u japë një mësim të paharrueshëm kundërvënësve të tij.
“Shkëputje e pashmangshme nga fushata për të marrë pjesë në Forumin e prestigjozes Financial Times – Investimet në Ballkanin Perëndimor. Pasnesër gati për fazën finale drejt 30 qershorit, ditës kur populli do t’u japë një mësim të paharrueshëm kundërvënësve të tij pa din e iman”, shkruan Rama.