Politika

Meta, telefonate me Salvinin pas shuplakës se Ministrit të Jashtëm italian

Ministri i Brendshëm dhe njëherazi Zv.kryeministri i Italisë, Matteo Salvini shprehet se ka zhvilluar një telefonatë edhe me Presidentin e Shqipërisë, Ilir Meta, me të cilin ka diskutuar se si mund ta ndihmojë me krizën në vend.
“Pasdite të mbarë nga zyra e ministrisë së Brendshme. Kam pasur një ditë impenjative. Telefonova homologun libian. Kam dëgjuar edhe presidentin shqiptar për t’u munduar të kuptoj se si mund ta ndihmojmë një vend të vogël, fqinj dhe mik me ne. Kemi folur për të evituar destabilitetin dhe përplasjet e forta civile”, – ka thënë Salvini në një video live nga zyra e tij.
Ka pak gjasa qe Salvini të ketë kohë për tu marrë me sherret nepër sheshet e Shqipërisë. Me e mundshme është që  Ilir Meta, pas shuplakës se Ministri i Punëve të Jashtme të Italisë, Enzo Milanezi t’i jete drejtuar Salvinit. Duket se telefonata me Salvinit zbulon sesa e vështire është pozita e presidentit sot, kur ndërkombëtarët i kanë berë bllokadë nismës se tij për shtyrjen e 30 qershorit.
Vetëm dy ditë më parë Ministri i Punëve të Jashtme të Italisë, Enzo Milanesi ka konfirmuar se është me rëndësi që në 30 Qershor të shmangen elementët e dhunës, dhe të zbatohen parimet e demokracisë.
“Ka një rëndësi të madhe për të siguruar respektimin absolut të rregullave themelore të demokracisë dhe shtetit të së drejtës.
Pavarësisht diferencave që keni ju si kundërshtarë politik është e domosdoshme të shmanget çdo formë e dhunës dhe të manifestohet respektimi i opinioneve dhe pozicioneve në mënyrë demokratike.”/Java News/

Related Articles

Leave a Reply

Your email address will not be published. Required fields are marked *

Back to top button