Kurdët vazhdojnë t’i rezistojnë sulmit xhihadist në Kobene

Xhihadistët e grupit Shteti Islamik (ISIS) u përpoqën gjatë mbrëmjes së djeshme të avancojnë drejt qendrës së qytetit sirian të Kobanes, por luftëtarët kurdë i shtynë, njoftoi një OJQ siriane.

“Ka pasur një sulm të ISIS-it nga ana jugore e qytetit si një përpjekje për të avancuar drejt qendrës por ajo u shty nga luftëtarët kurdë pas luftismesh të përgjakshme”, njoftoi Rami Abdel Rahmane, drejtor i Vëzhguesit Sirian të të Drejtave të Njeriut (OSDH).

Që prej ditës së hënë, ISIS-i ka marrë nën kontroll 40 për qind të këtij qyteti të tret kurd, duke hapur një rrugë drejt periferisë veriore, një kilometër larg kufirit turk.

“Ne dëgjojmë zhurmat e luftimeve. Ato nuk rreshtin asnjëherë”, tha sot, Mustafa Ebdi, një përkrahës kurd me origjinë nga Kobane. “Luftëtarët janë të vendosur të luftojnë deri në plumbin e fundit”, vazhdoi ai.

Gjatë luftimeve të djeshme, 21 xhihadistë, ku dy kamikazë, u vranë si dhe tetë luftëtarë kurdë, sipas OSDH-së. Për më tepër, 16 anëtarë të ISIS-it u vranë nga sulmet ajrore të koalicionit ndërkombëtar, që drejtohet nga SHBA-ja