Zbulohet sekreti 34 vjeçar i ish Jugosllavisë.

Sipas pretendimeve të Obren Djordjevicit, ish-shef i SDB-së të Serbisë, në arkivolin e mbuluar me flamurin e ish Republikës Socialiste Federative të Jugosllavisë nuk gjendej trupi i liderit komunist të këtij shteti, Josip Broz Tito. Sipas tij, arkivoli ishte i mbushur me rërë.

“Kur Tito vdiq, disa nga anëtarët e Kryesisë së Jugosllavisë, mbi të gjitha Stevan Dronjski dhe Stane Dolanc, donin që kufomën ta balsamonin dhe ta vendosin në një mauzole, si ai i Leninit në Sheshin e Kuq (Rusi). Por, trupi i Titos kishte shumë ilaçe brenda, kështu që nisi të shpërbëhet dhe të lëshojë erë të keq”, thotë ai, transmeton Telegrafi. “Për arsye mjekësore dhe higjienike, u vendos që varrimi të bëhet pa trupin e tij. Në arkivolin e shfaqur në Kuvendin Federativ, kishte rërë brenda”.

Tito vdiq më 8 maj 1980.