Kronika
Zbulohet prokurori i bandave që lajmëroi Rama, ai është prokurori Arjan Ndoja
October 4, 2019
0 2 minutes read
Një ditë më parë, kryeministri Rama foli ne Kuvend për një prokuror që bashkëpunon me bandat e i bën presion drejtuesve të administratës.
Rama nuk dha detaje për prokurorin por këtë të hënë këtë e bëri zëvendësi i tij, Erion Braçe. Ai mori pjesë në seancën gjyqësore për masën e ndalimit të kreut të kadastrës në Durrës, Liridon Pula. Gjykata ndaj tij vendosi arrest me burg për shpërdorim detyre.
Akuza iu ngrit nga prokurori i çështjes Arjan Ndoja. Edhe gjyqtarja e çështjes Besjana Garxenaj e la në fuqi këtë vendim. Kjo solli reagimin e zëvendëskryeministri Erion Braçe, i cili mori pjesë në seancën e gjyqit. Ai tha se kjo masë erdhi pas një muaj presioni dhe dhune të vazhdueshme kundrejt një drejtuesi institucioni. Sipas Braçes, nga ajo çfarë ka dëgjuar në seancë prokuroria nuk paraqiti asnjë provë për akuzën e ngritur dhe se gjithçka vjen në formë presioni për të legalizuar pallate dhe toka të bandave.
Në këto kushte reforma në drejtësi duhet të miratohet sa më shpejt. Ndërsa paralajmëroi hetim për të gjitha nga banditët pa kollare dhe ato me kollare. Për të njëjtën dosje, e cila ka të bëjë për regjistrimin e një sipërfaqe toke në mënyrë të kundraligjshme, më herët u arrestua edhe nën drejtori i Kadastrës Arben Isaku, drejtor i Aluiznit, nën drejtoresha e të njëjtin institucion Lusiena Kola si dhe dy specialistë, të cilët aktualisht po hetohen në gjendje të lirë.
Në kërkim policor për të njëjtën vepër penale është shpallur edhe Flamur Gjuzi, i cili mbante postin e drejtorit të Aluiznit. Dosja ka të bëjë me regjistrimin e një sipërfaqe toke në zonën e plazhit. Nga hetimet ka rezultuar se legalizimi dhe regjistrimi i kësaj prone në emër të dy shtetasve, edhe këta të fundit shpallur në kërkim.
Por, kush është prokurori Arian Ndoja?
Në vitin 2008, Arian Ndoja është emëruar prokuror në Durrës, pasi ishte liruar më parë nga detyra e prokurorit nga ish-kryeprokurori Theodhori Sollaku. Gjatë kohës që nuk ka qenë prokuror, Arian Ndoj ka bërë avokatin mbrojtës të Arian Selimit, i cili akuzohej për trafik ndërkombëtar kokaine.
Ndërkohë, pas kësaj, prokurori Ndoj u akuzua për një tjetër ngjarjeje të rëndë. Bëhet fjalë për ngjarjen e ndodhur vitin e kaluar, ku u dhunua avokati Ilia Ilia, ngjarje pas së cilës u dyshua se qëndronte pikërisht prokurori Ndoj.
Avokati Ilia u dhunua me sende të forta nga dy persona jashtë dyerve të Prokurorisë së Durrësit, menjëherë sapo kishte përfunduar një seancë gjyqësore. Vetë avokati deklaroi se dhunuesit ishin udhëzuar nga prokurori Arian Ndoj. Ajo që e bën më të vërtetë akuzën e avokatit të dhunuar është kjo foto, që “BalkanWeb” sjell më poshtë, ku prokurori Ndoja shfaqet në një foto me shtetasin Mond Voga, i cili u dyshua si dhunuesi i Ilias.
Burime policore thanë në atë kohë se ka qenë vetë avokati, i cili iu ka thënë efektivëve se një nga dy personat që e sulmoi ka qenë Mond Voga. Pas kësaj, policia ka organizuar një aksion për ndalimin e Vogës, por deri më tani nuk kanë mundur të lokalizojnë.
