Kosova

Çfarë thotë VV-ja për takimin e Kurtit me emisarin e Trumpit, ky është njoftimi

Kreu i Lëvizjes Vetëvendosje, Albin Kurti, ishte i pari nga liderët e partive që u takua me emisarin special të presidentit të SHBA-së për dialogun Kosovë – Serbi. Pas takimit, Lëvizja Vetëvendosje ka dhënë detaje për atë se çka u diskutua, raporton Gazeta Express.

Përveç, Richard Grenell në takim ishte edhe ambasadori amerikan në Kosovë, Philip Kosnett.

“Ambasadori Grenell fillimisht uroi udhëheqësit e VETËVENDOSJE!-s për vendin e parë në zgjedhjet parlamentare të së dielës së 6 tetorit dhe dëshironte të dëgjonte mendimin e qëndrimin e tyre për mundësitë e një marrëveshje me Serbinë, para se ai të udhëtonte për Beograd. Z. Grenell theksoi që mungesa e marrëveshjes së Kosovës me Serbinë është pengesa kryesore e investimeve të huaja në ekonominë kosovare”, bëhet e ditur në njoftimin për media.

“Z. Kurti shprehu falënderimin e tij për rolin dhe mbështetjen e ShBA-ve për Kosovën si në luftë ashtu në paqe dhe gatishmërinë e tij që si kryeministër i ri i Kosovës të thellojë bashkëpunimin me ShBA-të. Ai u pajtua me Ambasadorin Grenell që Kosova ka nevojë për zhvillim ekonomik dhe investime prej jashtë, por për këtë gjë problem janë sidomos korrupsioni i lartë në qeveri që krijon pasiguri e cila tremb bizneset, varfëria e përhapur në popullsi që e mban të ulët kërkesën agregate si dhe qasja e vështirë në financa për bizneset për shkak të kamatave të larta të kredive në banka. Sa i përket dialogut me Serbinë, z. Kurti tha që përmbajtja dhe procesi i marrëveshjes janë më të rëndësishme për qëndrueshmërinë e saj sesa afati kohor për të”, shkruhet tutje.

Related Articles

Leave a Reply

Your email address will not be published. Required fields are marked *

Back to top button