Politika

“Debat i vështirë mbi zgjerimin” Tusk e Juncker: Vendimi për Shqipërinë e Maqedoninë e Veriut një gabim i madh

Presidenti i Këshillit të Bashkimit Europian, Donald Tusk ka raportuar mëngjesin e kësaj të marte në parlamentin evropian në Strasburg mbi diskutimet e samitit të BE-së zhvilluar javën e kaluar ne Bruksel.

“Liderët e BE patën një debat të vështirë mbi zgjerimin në këshillin e BE-së. Pas rekomandimit të qartë të Komisionit Europian për të hapur negociatat me Maqedoninë e Veriut dhe Shqipërinë, pavarësisht kësaj, unanimiteti i kërkuar nuk ishte i mundur javën që lamë pas.

Sipas opinionit tim, ky ishte një gabim të cilin ua kam thënë liderëve të BE-së madje ishte pak më i drejtpërdrejtë. Tani vetëm mund të shpresoj se liderët e BE-së të nxjerrin konkluzionet e duhura dhe ta diskutojnë procesin e zgjerimit përpara samitit të Zagrebit që mbahet në Maj të vitit 2020” – u shpreh Tusk.

Edhe presidenti i Komisionit Europian Zhan Klod Juncker u ndal te vendimi i BE-së për negociatat.

Do të flasim për zgjerimin zoti President dhe jam shumë i zhgënjyer nga mungesa e vendimit të Këshillit të BE-së. Maqedonia e Veriut dhe Shqipëria kishin të drejtën për të nisur negociatat. Ishte gabim shumë i madh që nuk u hapën negociatat me këto dy vende. Ishte një gabim shumë i madh sepse ndikon në zemër të këtyre dy vendeve dhe krijon idenë se edhe pse bëni premtime, nuk i mbani ato dhe askush nuk na respekton në botë nëse e bëjmë këtë.” tha Juncker

Related Articles

Leave a Reply

Your email address will not be published. Required fields are marked *

Back to top button