Politika

Rama: Çfarë nuk të vret, të forcon

Kryeministri Edi Rama deklaron se janë nxjerrë 41 persona nga gërmadhat, ndërsa shumë shtete kanë shprehur gatishmërinë dhe po vijojnë që të sjellin ndihma në Shqipëri.

Në një lidhje live nga facebook Rama shprehu ngushëllimet e tij për familjarët të cilët humbën të dashurit e tyre në tërmetin tragjik që goditi vendin në orët e para të mëngjesit të sotëm.

Kemi nxjerrë 41 persona nga gërmadhat. Kryetarë shtetesh më kanë njoftuar se do të nisin skuadra emergjencash. 

Kanë mbërritur të parat trupat e Kosovës me porosi të Presidentit Thacit, që më ka shprehur gatishmërinë për shtetin vëlla. 

Kanë mbërritur helikopterë italianë dhe një skuadër nga Mali i Zi, po ashtu nga Greqia. Nga Turqia, Franca, po ashtu edhe Gjermania. SHBA ka shprehur gatishmërinë. 

Kjo fatkeqësi kërkon kurajo dhe durim dhe qetësi. Janë të lehta të thuhen në këtë situatë ekstreme, por së bashkë do ta përballojmë këtë pabesi të madhe të natyrës. Mjekët dhe infermierët në gatishmëri. 

Cfarë nuk të vret të forcon. Plaga e sotme e madhe do të na bëjë më të fortë nesër” -tha Rama.

Related Articles

Leave a Reply

Your email address will not be published. Required fields are marked *

Back to top button