Bota

Vrasja e gazetares në Maltë, Kryeministri i vendit paralajmëron largimin

Ngjarjet e fundit që kanë ndodhur në Maltë, ku një gazetare është vrarë ka shkaktuar një krizë të vërtetë politike në vend. Mësohet se Kryeministri i Maltës, Joseph Muscat, i ka thënë bashkëpunëtorëve të tij se është duke planifikuar të dorëhiqet.
Ky vendim i kryeministrit vjen pas arrestimit dhe marrjes në pyetje të një prej aleatëve më të afërt të tij si pjesë e hetimeve të policisë për vrasjen e gazetares së njohur investigative Daphne Caruana Galizia, vrasje që ka ndodhur në vitin 2017. Daphne kishte publikuar rastet e korrupsionit në nivelet më të lartë të qarqeve qeverisë dhe të biznesit të Maltës.
Ditët e fundit autoritetet e Maltës morën masa të shpejta për rihapjen e hetimeve që kishin ngecur prej dy vitesh duke arrestuar shumë persona. Të premten u mbajt një takim me kabinetin qeveritar, dhe gjatë takimit presidenti maltez premtoi se do të qëndrojë në krye të qeverisë deri në përfundim të hetimeve të nisura. Por pak orë më vonë u raportua, se Muscat ka planifikuar që të njoftojë për dorëheqjen e tij me anë të një komunikate që do të transmetohet live në mediat e vendit.
Data dhe ora e saktë nuk bëhet e ditur. Referuar mediave lokale, kryeministri po pret nëse autoritete do të bëjnë zyrtarisht aktakuzë kundër një biznesmeni për dhënien e urdhrit për vrasjen e gazetares.
Caruana Galizia, gazetarja investigative më e vendit mesdhetar, u vra në 16 tetor të 2017, kur një bombë e montuar poshtë makinës me të cilën po udhëtonte gazetarja u aktivizua dhe shpërtheu në distancë.

Related Articles

Leave a Reply

Your email address will not be published. Required fields are marked *

Back to top button