Bashkia Tiranë i jep titullin “Mirënjohja e Qytetit” kombëtares kuqezi

Kombëtarja shqiptare e futbollit ka marrë titullin “Mirënjohja e Qytetit” nga ana e Bashkisë së Tiranës. Kryebashkiaku i kryeqytetit, Lulzim Basha e ka marrë menjëherë këtë vendim pas ndeshjes Serbi-Shqipëri, ku futbollistët kuqezinj u dhunuan nga tifozët ultranacionalistë serbë teksa në fushë u valëvit një flamur të Shqipërisë së Madhe me fotot e dy figurave historike të vendit, Ismail Qemalit dhe Isa Boletinit.

Lojtarët e kombëtares janë vlerësuar me këtë çmim pasi nuk lejuan që flamuri kuqezi të merrej dhe grisej nga futbollistët e kombëtares serbe.