Bota

Triumfi i Boris Johnson, Britania jashtë BE-së brenda 31 janarit

Konservatorët e Boris Johnson kanë fituar zgjedhjet e parakohshme duke siguar fitoren më të thellë që nga vitet 80’ të shekullit të shkuar, ndërkohë që laburistët e opozitës kanë pësuar humbjen më të rëndë që nga viti 1935.
Shumica prej afro 79 vendesh më shumë për partinë e Boris Johnson, nënkupton se përfundimisht Britania do të dal nga Bashkimi Evropian zyrtarisht në 31 janar të vitit të ardhshëm për të filluar procesin e gjatë dhe të vështirë të arritjes së një marrëveshjeje tregtare me BE-në. Tërmeti politik i shkaktuar nga këto zgjedhje ka ndryshuar në mënyrë të paimagjinueshme relievin politik në vend, ku duket se ata e kane votuar historikisht për Laburistët, kanë hedhur votën kundër partisë së tyre që tashmë drejtohet nga Xheremi Krobin me politikat e tij markiste në vendin ku ka lindur kapitalizmi.
Ndërkohë partia Brexit ka marrë vetëm 2 përqind të votave në shkallë kombëtare, sakaq partia nacionaliste skoceze ka arritur fitoren më të madhe në historinë e tyre duke kërkuar akoma me me force largimin e Skocisë nga Britania përmes një refenderumi të dytë.
Ndërkohë që udhëheqësja e liberaldemokratëve, parti e tretë humbi edhe në zonën e saj elektorale, ka dhënë menjëherë dorëheqjen, udhëheqësi i opozitës ka thënë se nuk do drejtojë partinë laburiste në zgjedhjet e ardhshme, por do drejtojë procesin e reflektimit të këtij rezultati, duke provuar edhe njëherë se përse britaniket dhe vete simpatizantët e partisë së tij e kane refuzuar.
Ndërkohë që Londra metropolitane dhe kozmopolite, e cila ka qenë kundër Brexit, ka votuar serish për laburistët, duket se në këto zgjedhje ka pasur një rebelim te provincave ndaj asaj që ndodh në politiken britanike.

Related Articles

Leave a Reply

Your email address will not be published. Required fields are marked *

Back to top button