Komisioni Hetimor/ Tedi Blushi: “Solidariteti” vërteton se krimet e Dvoranit janë kryer në bashkëpunim
Por këto vendime, Tedi Blushi i konsideron “marrje në mbrojtje nga përgjegjësitë penale të z.Dvorani, i cili është kallëzuar në Prokurori për veprimtarinë e tij të mirëdokumentuar kriminale”.
“Ky “solidaritet” vërteton se krimet e z.Dvorani janë kryer në bashkëpunim”, thekson zëdhënësi i Presidentit.
“Dihet botërisht respekti që ka për Komisionin e Venecias ky grup i strukturuar dhe i specializuar për dhunimin e Kushtetutës.Ndaj veprimet e tyre fundit në shkelje të ligjit dhe Kushtetutës nuk janë asgjë tjetër veçse një presion i qartë politik ndaj organit të akuzës. Sa i përket shtyrjes së afatit të komisionit parlamentar, ne e kemi dhënë mendimin tonë: Punimet të shtyhen deri në 24 korrik 2022. Në këtë mënyrë deputetët e komisionit do kenë mundësi të përfitojnë akoma më shumë shpërblime financiare për çdo mbledhje”, shton Blushi.
