Qeveria e re pas zgjedhjeve/Kurti refuzon dy ftesa të Thaçit, do ta takoi një ditë tjetër

Kryetari i Lëvizjes Vetëvendosje, Albin Kurti, nuk ka marrë pjesë në dy takimet e thirrura nga presidenti i vendit, Hashim Thaçi, i planifikuar për pasditen e ditës së premte, në ora 1.30 minuta. Pas kësaj ka shkuar edhe ftesa e dytë e presidentit Thaci për takim, po ditën e djeshme, tashmë  në ora 20.00 të darkës, por edhe këtu Kurti nuk  është paraqitur.

Kreu i shtetit e ftoi Kurtin për të mandatuar atë për kryeministër të vendit, ashtu siç e përcakton Kushtetuta. Mirëpo, nga Zyra për Informim e VV-së thonë se Kurti e ka të pamundur për shkak të agjendës së planifikuar më parë, meqenëse ndodhet jashtë Prishtinës.

Ai do ta njoftojë së shpejti Presidentin për ditët e orët e mundshme të takimit”, thuhet në përgjigjen e Zyrës për Informim.